Author: Pralhad Salunkhe

महाराष्ट्र
byPralhad Salunkhe

नंदुरबार येथे शिक्षक क्षमतावृध्दी प्रशिक्षण २.० सुरू. नंदुरबार … प्रतिनिधी… महाराष्ट्र शासनाच्या शिक्षण विभागाकडून संदर्भ दिनांक जावक क्रमांक पंचायत समिती नंदुरबार शिक्षण प्रशिक्षण /1275 /२०२५ अन्वये नंदुरबार जिल्हा गटशिक्षणाधिकारी यांच्या स्वाक्षरीने इयत्ता सहावी ते आठवी साठी केंद्र निहाय प्राथमिक व खाजगी शासन मान्यता प्राप्त माध्यमिक शाळा, आश्रम शाळा येथील शिक्षकांना येथील शिक्षकांना सदर प्रशिक्षणाला हजर राहण्याचे आदेश आहेत. त्यानुसार सुंदरदे,भालेर, व इतर केंद्र गट मधील शिक्षकांचे हे प्रशिक्षण दिनांक 11 फेब्रुवारी 2025 ते दिनांक.15/ फेब्रुवारी/2025 असे एकूण पाच दिवसाचे प्रशिक्षण सुरू राहणार आहे. इयत्ता बारावी च्या बोर्ड परीक्षा सुरू असल्याने या प्रशिक्षणास शहराबाहेर चांगल्या प्रायव्हेट स्कूल मध्ये हे प्रशिक्षण आयोजित केल्याचे संबंधित प्रशासनाने सांगितले.सध्या हे प्रशिक्षण कृष्णा इंठरनँशनल इंग्लिश मिडीयम स्कूल पातोंडा ता.जि.नंदुरबार येथे सुरू असुन या केंद्रात साधारण इयत्ता सहावी ते आठवी पर्यंत अध्यापन करणारे शिक्षक शिक्षिका हे प्रशिक्षण लाभ घेत आहेत.सदर प्रशिक्षण माध्यमिक शिक्षण अधिकारी,श्री प्रवीण अहिरे , प्राथमिक शिक्षण अधिकारी श्रीमती वंदना वळवी तसेच डायट चे प्राचार्य व सर्व स्टाफ, तसेच सुंदरदे गट केंद्र प्रमुख श्री देसले बापु यांच्या मार्गदर्शनाखाली हे प्रशिक्षण सुरू आहे.या प्रशिक्षण केंद्र चे नियंत्रण अधिकारी म्हणून श्री. नरेंद्र पाटील हे काम पाहत आहेत.या प्रशिक्षणासाठी तज्ञ मार्गदर्शक म्हणून श्री.भगवान राजपूत सर,श्री कल्पेश देवरे सर, हितेश वाडेकर सर,उदय प्रकाश पाटील सर हे अत्यंत चांगल्या पध्दतीने सदर प्रशिक्षणाला हजर असलेल्या प्रशिक्षण घेणाऱ्या शिक्षकांना नवीन शैक्षणिक धोरण बाबत चांगले मार्गदर्शन करत असल्याचे शिक्षक शिक्षिका सांगत आहेत. या प्रशिक्षणात राष्ट्रीय शिक्षण धोरण 2020, राज्य अभ्यासक्रम आराखडा पायाभूत स्तर 2023, राज्य अभ्यासक्रम आराखडा शालेय शिक्षण 2024, गुणवत्ता मूल्यांकन आणि आश्वासन आराखडा प्रस्तावना व संरचना, शाळा गुणवत्ता मूल्यांकन आणि आश्वासन आराखडा क्षेत्र क्रमांक एक ते सहा, शाळा गुणवत्ता मूल्यांकन आणि आश्वासन आराखडा परिशिष्ट एक ते आठ, समता आधारित अध्ययन व अध्यापन प्रक्रिया, क्षमता आधारित मूल्यांकन संकल्पना, क्षमता आधारित मूल्यांकन कार्यनीती, क्षमता आधारित प्रश्न प्रकार, क्षमता आधारित प्रश्न निर्मिती कौशल्य,विचार प्रवर्तक प्रश्न, गटकार्य अध्ययन निष्पत्तीनुसार प्रश्न निर्मिती, समग्र प्रगती पत्र संकल्पना व पार्श्वभूमी, समग्र प्रगती पत्रक स्तर रोहन स्वरूप, या अभ्यासक्रमावर प्रशिक्षण देण्यात येत आहे.सदर प्रशिक्षण डिजिटल स्क्रीन बोर्ड वरून देण्यात येत आहे. विविध नवीन शैक्षणिक साधने यातून सदर प्रशिक्षण घेण्याचा शासनाचा मानस आहे.सदर प्रशिक्षण मध्ये दुपारी दोन वाजता भोजन व सायंकाळी चार वाजता चहा देखील शिक्षकांना प्रशिक्षण ठिकाणी देण्यात येत आहे.शिक्षक शिक्षिका हे आनंदाने हे प्रशिक्षण घेत असल्याचे सा पोलीस व्हिजन धुळे यांना आढळून आले.

महाराष्ट्र
byPralhad Salunkhe

पुरोगामी आणि बहुजन आंबेडकरी विचारधारेच्या ज्येष्ठ समाजसेवकांचे धुळे जिल्हा प्रशासनास निवेदन, महापुरुषांबद्दल बेताल वक्तव्य करणारे व्याख्याता राहुल सोलापूरकर यांच्यावर कारवाई करा.

सा पोलीस व्हिजन धुळे,वृत्त प्रतिनिधी- धनंजय गाळणकरधुळे- पुरोगामी विचार मंच आणि आणि बहुजन आंबेडकरी विचारधारेच्या ज्येष्ठ समाजसेवकांच्या वतीने धुळे जिल्हा…

महाराष्ट्र
byPralhad Salunkhe

धुळ्यात शिक्षक दरबार फार वर्षांनी गाजला!!!शिक्षक आमदार दराडेंमुळे शिक्षकांना मिळाले न्याय मागण्याचे हक्काचे व्यासपीठ* धुळे…..सा.पोलीस व्हिजन क्राईम न्यूज ब्युरो… धुळे येथे जीआर सिटी हायस्कूल येथील सभागृहात 30 जानेवारी 2025 रोजी, शिक्षक दरबार चे आयोजन करण्यात आले होते. या दरबारात विशेषता दहावी, बारावीच्या परीक्षा केंद्रांतील कर्मचारी बदलीचा घेतलेला निर्णय शिक्षक हिताविरुद्ध असल्याने त्यास शिक्षक संघटनांचा विरेाध होतो आहे. त्यामुळे कर्मचारी बदलीचा निर्णय रद्द करण्यात आला आहे; परंतु ब्लॅक लिस्टमधील केंद्रांसाठी हा निर्णय लागू राहील, असेही यावेळी शिक्षक आमदार किशोर दराडे यांचेकडून सांगण्यात आले.धुळे जिल्ह्यातील काही संस्थांमध्ये अनेक शिक्षकां च्या विविध समस्या, मागण्या आणि त्यांची पूर्तता होत नाही यासाठी प्रचंड नाराजी आहे. वरिष्ठ वेतन श्रेणी असो की निवड श्रेणी असो या शासनाकडून शिक्षकांना मिळत असतात. शासन शिक्षकांचे वेतन करत असते. तरीदेखील काही संस्थेतील चमकोगिरी करणारे अशा प्रामाणिक शिक्षकांच्या मागण्या व त्यांचे हक्काचे लाभ मिळू नयेत यासाठी आपल्या संस्था चालकांना अशा कर्मचाऱ्यांबद्दल चुकीची माहिती पोहोचवून त्यांची एक प्रकारे हानीच करत असतात.ही काही माणसं संस्थाचालकांशी लुडूबुडु करून आपले स्वतःचे मात्र उल्लू सरळ करून घेत असतात. आपल्या एकाच कुटुंबातील व्यक्तींना याच संस्थांमध्ये नोकरीला लावून घेण्याचा प्रकार सर्व नियम धाब्यावर बसवून करून घेत असतात. त्यांचा पगार देखील शासनाकडून सुरू करून घेण्यात आलेला आहे. हे भयानक वास्तव आहे. त्यांना पदभरती करताना नेमक्या कोणत्या वर्तमान पत्रात केव्हा जाहिरात निघाली हे देखील गुपित ठेवले जाते. त्यांना ज्या शाळेत लिपिक म्हणून नियुक्ती दिली जाते त्यांना मात्र त्या शाळेत कामावर देखील पाठवण्यात येत नाही. त्यांच्या स्वाक्षऱ्या करण्यासाठी मस्टर घरी आणले जाते आणि त्यावर स्वाक्षऱ्या करून घेतल्या जातात. त्यांना घरी बसून पगार मानधन सुरू करून देण्यात आले आहे. असे अनेक प्रकार राजरोसपणे सुरू आहेत.त्यांचा शोध घेऊन त्यांच्या चौकशा केल्या पाहिजेत.एकीकडे शासनाची नोकर भरती बंद असताना बोगस पदभरत्या करून हे संस्थेला देखील अडचणीत आणण्याचा प्रकार करत असतात .या अनेक समस्यांना स्थानिक जिल्हास्तरावर न्याय देता यावा या उदात्त न्याय भावनेतून शिक्षकांच्या साठी ठामपणे पाठीशी उभे राहणारे नाशिक शिक्षक मतदारसंघ चे धडाकेबाज आमदार किशोर दराडे यांनी धुळे जिल्हा व नंदुरबार जिल्ह्यासाठी 30 जानेवारी 2025 रोजी थेट शिक्षक दरबार चे आयोजन केले होते. या दरबारास माध्यमिक शिक्षण अधिकारी जिल्हा परिषद धुळे चे मनीष पवार, प्राथमिक शिक्षण अधिकारी जि.प.धुळे डॉ किरण कुंवर, वेतन पथक अधीक्षक, शर्मा, तसेच विविध संघटना प्रमुख या शिक्षक दरबारी उपस्थित होते. गुरुवारी जीआर सिटी हायस्कूल धुळे येथील सभागृहात हा शिक्षक दरबार लावण्यात आला होता. शिक्षकांच्या विविध न्यायालयीन प्रकरणांची दखल शिक्षण विभाग घेत नाही, अनुकंप तत्त्वावरील पदभरती किंवा नियुक्त्या काही संस्था देत नाहीत, काही ज्येष्ठ शिक्षक यांना मुख्याध्यापक पदोन्नती पासून वंचित ठेवण्यात येते. सेवा जेष्ठता डावळून आपल्या मर्जीतील मुख्याध्यापक नियुक्त केला जातो. आणि शिक्षण अधिकारी देखील अशांना मंजुरी देतात.जे शिक्षक 20 टक्क्याच्या नियमात निवड श्रेणीसाठी ग्राह्य ठरतात, अशांना निवड श्रेणी दिली जात नाही. यावर शिक्षकांची प्रचंड नाराजी होती. बेकायदेशीर बदल्या शिक्षकांकडून आर्थिक देवाण-घेवाण व्हावी यासाठी केल्या जातात. अशा अनेक समस्या व त्यांच्यावर चर्चा करून शिक्षक आमदार किशोर दराडे यांनी तात्काळ शिक्षकांना न्याय देण्यासाठी संबंधित अधिकाऱ्यांना जागीच सूचना केल्या या दरबारात असे दिसून आले की शिक्षकांची संस्थाचालकांवर नाराजी नाही. त्या संस्थेतील काही शिक्षक,मध्यस्थितांच्या आडमुठी पणा मुळे काही संस्थेतील शिक्षकांना न्याय मिळत नाही. असे चित्र समोर दिसून आले. काही संघटनेचे प्रमुख जे स्वतःला शिक्षक नेते म्हणून समजून घेतात अशांच्याच शाळेतील शिक्षक त्या ठिकाणी न्याय मागणीसाठी या दरबारात विशेष करून उपस्थित होते. अनेक शिक्षकांकडून असे बोलले गेले की, शिक्षक दरबाराचे व्यासपीठ हे पवित्र मानले जाते. कारण त्या व्यासपीठावर शिक्षकांना जागीच न्याय देण्यासाठी हा दरबार लावण्यात आलेला असतो. मग अशा व्यासपीठावर ज्या शिक्षकांवर अन्याय केलेला असतो त्याच शाळेतील संघटना प्रमुख अशा न्यायदेवतेच्या व्यासपीठावर कसा बसू शकतो?? अशी चर्चा रंगलेली होती. अनेक शिक्षकांनी आपल्या समस्या त्यांना दोन दोन अडीच अडीच वर्ष न्याय मिळत नाही त्यांच्या वेदना त्यांनी शिक्षक आमदार दराडे यांच्याकडे मांडण्याचा प्रयत्न केला. त्यांना आशा एवढीच होती की हा आपला शिक्षकांचा दरबार आहे येथेच न्याय मिळेल. म्हणून ते आमदार दराडे हे कोणत्या पक्षाचे आमदार आहेत? हा विचार न करता आपले हक्काचे शिक्षक आमदार आहेत आणि ते न्याय देण्याचे काम करणारे व्यक्तिमत्व आहे या चांगल्या विचारातून हे शिक्षक या दरबारात न्याय मागण्यासाठी आलेले होते. आपल्या भाषणात आमदार दराडे यांनी देखील मी कोणत्याही एका पक्षाचा आमदार नाही मी माझ्या शिक्षकांचा शिक्षक आमदार आहे आणि माझे प्रामाणिक कर्तव्य आहे की मी या माझ्या शिक्षकांना न्याय देईल हे त्यांनी ठामपणे मांडले. या ठिकाणी ज्या शिक्षकांच्या समस्या होत्या त्यांना आठ दिवसांमध्ये संबंधित अधिकाऱ्यांनी त्यांच्या अडचणी तातडीने सोडवण्याचे आदेश देखील शिक्षक आमदार दराडे यांनी केले आहेत. वेळ पडल्यास संबंधित संस्थाचालक, संबंधित अधिकारी यांच्याशी फोनवर देखील ते बोलून समस्या सोडवण्यासाठी प्रयत्न करणार आहेत. काही विद्यमान मुख्याध्यापक यांना रिवाईज करून त्यांच्यावर अन्याय केलेला आहे.त्यांची चौदा महिन्यांची पगार बिले टाकण्यात आलेली नाहीत.त्यामुळे ते पगारापासून वंचित असल्याची देखील येथे तक्रारी करण्यात आलेल्या आहेत. आता फक्त त्यांना न्याय केव्हा आणि कसा मिळतो यावर या शिक्षक दरबाराचे पुढील भविष्य अवलंबून असणार आहे. एकंदरीत धुळे जिल्ह्यातील हा शिक्षक आमदार किशोर दराडे यांचा अखेर गाजला अशी सर्वत्र चर्चा रंगली आहे.बातमी पत्र वाचा सा पोलीस व्हिजन धुळे

महाराष्ट्र
byPralhad Salunkhe

नंदाणेचे लाचखोर सरपंच, माजी सरपंच एसीबीच्या जाळ्यात पेट्रोलपंप उभारणीकरीता नाहरकत दाखला देण्यासाठी घेतली एक लाखाची लाच धुळे (क्राईम न्यूज ब्युरो)-न खाऊंगा न खाने दूंगा हे वाक्य बऱ्याच जणांनी ऐकले आहे. हे वाक्य कोणी आणि केव्हा आपल्या सामान्य जनतेसमोर सामूहिक भाषणादरम्यान ऐकलेले आहे. एक भारताचे जबाबदार पंतप्रधान नरेंद्रजी मोदी यांचे हे वाक्य. आणि याच वाक्याची वाट लावणारे आता ग्रामीण भागातील ग्रामपंचायत पर्यंत लाचखोर यांची मजाल वाढली आहे. घडलेली घटना धुळे तालुक्यातील नंदाणेगांव येथील लाचखोर सरपंच व माजी सरपंच धुळे एसीबीच्या जाळ्यात सहजपणे अडकले आहेत. सरपंच रविंद्र पाटील व माजी सरपंच अतुल शिरसाठ यांनी तक्रारदाराकडे पेट्रोलपंप उभारणीकरिता नाहरकत प्रमाणपत्र देण्यासाठी तडजोडीअंती अडीच लाख रुपये लाचेची मागणी करुन त्यापैकी एक लाख रुपयांचा पहिला हप्ता स्विकारतांना दोघांना रंगेहाथ पकडण्यात आले. आज दुपारी ही कारवाई करण्यात आली.नंदाणे ता.धुळे येथील गट नं. ५९/३ येथे तक्रारदाराची शेतजमीन असुन या जमिनीवर नायरा कंपनीचा पेट्रोल पंप उभारण्याची परवानगी मिळण्याकरीता कंपनीच्या विभागिय व्यवस्थापकांनी दि.१ सप्टेंबर २०२४ रोजी धुळे जिल्हाधिकारी कार्यालयात प्रस्ताव सादर केला होता. त्यावरुन जिल्हाधिकारी कार्यालयाने नंदाणे ग्रामपंचायतीचे सरपंच / ग्रामसेवकाच्या नावे पेट्रोलपंप उभारणी करीता नाहरकत प्रमाणपत्र मिळण्याकरीता दिलेले पत्र तक्रारदार यांनी ग्रामसेवक शशिकांत पाटील यांच्याकडे जमा केले होते. त्यानंतर तक्रारदार यांनी त्यांच्या मित्रासह वेळोवेळी ग्रामपंचायत कार्यालयात जावुन सरपंच रविंद्र निंबा पाटील, ग्रामसेवक शशिकांत पाटील यांची भेट घेवुन पाठपुरावा केला असता सरपंच रविंद्र पाटील यांनी ग्रामपंचायतीमध्ये ठराव करुन नाहरकत प्रमाणपत्र देण्यासाठी स्वतः करीता व ग्रामसेवक शशिकांत पाटील यांच्याकरीता ५ लाख रुपये लाचेची मागणी केली. तशी तक्रार आज दि.२४ रोजी तक्रारदार यांनी धुळे लास्ट लुचपत प्रतिबंधक विभागाकडे दिली होती.या तकारीची धुळे एसीबीने पडताळणी केली असता सरपंच रविंद्र पाटील यांनी व त्यांचेसोबत हजर असलेले माजी सरपंच अतुल शिरसाठ यांनी तक्रारदार यांच्याकडे तडजोडीअंती २ लाख ५० हजार रुपये लाचेची मागणी करुन त्यापैकी १ लाख रुपयांचा पहिला हप्ता स्विकारण्याचे मान्य केले होते. त्यानंतर सापळा कारवाई दरम्यान सरपंच रविंद्र पाटील यांनी तक्रारदार यांच्याकडे लाचेची मागणी करुन १ लाख रुपये लाचेची रक्कम स्विकारुन माजी सरपंच अतुल शिरसाठ यांचेकडे दिली असता त्यांनी ती स्विकारुन त्यांचे खिशात ठेवुन घेतली. दोघांना रंगेहात पकडण्यात आले असुन यांच्या विरूध्द भ्रष्टाचार प्रतिबंध अधिनियम कलमान्वये गुन्हा दाखल करण्यात आला आहे.ही कारवाई लाचलुचपत प्रतिबंधक धुळे विभागाचे पोलीस उप अधीक्षक सचिन साळुंखे यांच्या मार्गदर्शनाखाली पोलीस निरीक्षक रुपाली खांडवी, पोलीस निरीक्षक पंकज शिंदे तसेच राजन कदम, मुकेश अहिरे, संतोष पावरा, प्रविण मोरे, प्रशांत बागुल, मकरंद पाटील, रामदास बारेला, प्रविण पाटील, सुधीर मोरे, जगदीश बडगुजर यांनी केली आहे. जर का कोणी आपणाकडून लाच कोणत्याही विभागामधून मागत असतील तर सरळ आपण अँटीकरप्शन ब्युरो कडे तक्रार दाखल करण्याची हिम्मत केलीच पाहिजे. लाच घेणाऱ्याला ठेसलेच पाहिजे.

महाराष्ट्र
byPralhad Salunkhe

भूमापन अधिकाऱ्याला लाच घेतांना रंगेहात अटकधुळे लाच लुचपत प्रतिबंधक विभागाची कारवाई लाच घेणाऱ्यांचे धाबे दणाणले

धुळे क्राईम न्यूज ब्युरो सा पोलीस व्हिजन – (सौ.प्रतिभा साळुंके) … सध्या कोणत्याही कार्यालयात जाऊन आपण सामान्य जनता म्हणून सहज…

महाराष्ट्र
byPralhad Salunkhe

शाकुंतल वाचनालय तर्फे विद्यार्थ्यांना गोष्ठीची पुस्तकें भेट

धुळे…प्रतिनीधी …. समाज घडवायचा असेल तर वाचनालयांची अत्यंत गरज आहे. ग्रामीण भागातील असो की शहरी भागातील नागरिकांनी वाचन हे केलेच…

महाराष्ट्र
byPralhad Salunkhe

“ग्लोबल कृषी महोत्सवाचे उद्घाटन: शेतकऱ्यांसाठी नवनवीन तंत्रज्ञान व धोरणांची घोषणा”. पुणे…सा पोलीस व्हिजन (क्राईम न्यूज ब्युरो यश साळुंके) दिनांक…. ९: _शेतकऱ्यांचे जीवनमान सुकर करण्यासोबत त्यांच्या उत्पन्नात वाढ व त्या उत्पादनाला संरक्षित भाव मिळवून देण्यासाठी कृषी विभागाशी निगडित सर्व संबंधित विभागाच्या मंत्र्यांसोबत बैठक घेवून प्रश्न मार्गी लावण्यासाठी प्रयत्न करण्यात येईल, आगामी काळात कृषी क्षेत्रात आमूलाग्र बदल घडविण्याचा मानस कृषीमंत्री ॲड. माणिकराव कोकाटे यांनी व्यक्त केला. यावेळी विशेष म्हणजे शेतकऱ्यांसाठी नवीन तंत्रज्ञान विकसित झालेले कृषी ड्रोन ने सर्वांचेच लक्ष वेधून घेतले. मोठ्या शेतकऱ्यांना आपल्या शेतामध्ये विविध पिकांवर फवारणी करण्यासाठी मजुरांची कमतरता भासते. त्यासाठी कृषी ड्रोन हे महत्त्वाचे तंत्रज्ञान आता शेतकऱ्यांना उपलब्ध झालेले आहे. आय ओ टेक वर्ड इरिगेशन प्रायव्हेट लिमिटेड या कंपनीने आपले स्वतःचे उत्तम नामांकित ड्रोन उपलब्ध करून दिले आहेत. या कृषी ड्रोन कंपनीचे नासिक विभागीय असिस्टंट मॅनेजर सेल्स नीरज साळुंके यांनी या कृषी ड्रोन विषयी सविस्तर माहिती दिली. या कृषी ड्रोनमुळे शेतकऱ्यांना फवारणीचे काम सुलभ होणार आहे. पैसा व वेळ वाचणार आहे. मजुरांची गरज नाही.

ग्रामोन्नती मंडळ, कृषी विज्ञान केंद्र नारायणगाव यांच्यावतीने ९ ते १२ जानेवारी कालावधीत आयोजित ‘ग्लोबल कृषी महोत्सव’ प्रसंगी ते बोलत होते.…

महाराष्ट्र
byPralhad Salunkhe

महामार्ग पोलीस ठरले बापू नागमोती यांचेसाठी देवधूत, अपघातस्थळी वेळीच पोहोचून तासाभरात त्यांना रुग्णालयात दाखल केल्याने जीव वाचला.

वृत्त प्रतिनिधी- धनंजय गाळणकरदि. ६ जानेवारी २०२५ रोजी रस्ता सुरक्षा अभियान निमीत्त महामार्ग पोलीस केंद्र धुळे, नेमणूकीतील पोलीस उपनिरीक्षक लक्ष्मण…

महाराष्ट्र
byPralhad Salunkhe

विवाह बाह्य संबंधातुन झाला रेल्वे पोलीसाचा खुन, पत्नीचे होते मामेभावासोबत अनैतिक संबंध भुसावळ -(क्राईम न्यूज ब्युरो) जळगाव जिल्ह्यातील अमळनेर हे तालुक्याचे ठिकाण आहे.अमळनेर येथे श्री मंगळ ग्रह चे सुंदर देवस्थान म्हणून संपूर्ण भारतात प्रसिद्ध आहे.येथे एक घटना घडली ती अशी की,विवाहबाह्य सबंधास अडचण ठरत असलेला रेल्वे पोलिस नवऱ्याचा पत्नीने तिच्या मामेभावासोबत कट रचून हत्या केल्याची घटना 31 डिसेंबर रोजी रात्री रबाळे-घणसांगवी रेल्वे स्थानकादरम्यान घडली. गुगल पे वरून टाकलेल्या पैश्यावरून खुनाचा उलगडा झाल्याने खळबळ उडाली आहे.

याबाबत अधिक माहिती अशी की, पोलीस विजय चव्हाण (रा.सुभाष चौक अमळनेर ) हा पनवेल रेल्वे पोलिसात कार्यरत होता. त्याच्या पत्नीचे…

महाराष्ट्र
byPralhad Salunkhe

शेवाळी येथे गल्लीत फेवर ब्लॉग बसवण्याचे काम ग्रामपंचायत कडुन सुरू सरपंच नितीन साळुंके यांचे नागरीकांकडुन कौतुक. धुळे……सा पोलीस व्हिजन धुळे प्रतिनिधी…. शेवाळी हे गाव नागपूर सुरत महामार्ग वर बसलेले गाव असून साक्री तालुक्यातील हे गाव विविध अष्टपैलू नेतृत्वाने नावाजलेले आहे. या गावात शासकीय अधिकारी, शिक्षक, वकील, इंजिनियर ,डॉक्टर, पत्रकार,सदन आधुनिक शेती करणारे शेतकरी, ड्रायव्हर गाडी मालक, इंजिनियर राजकीय व सांस्कृतिक क्षेत्रातील मान्यवर यांचे गांव म्हणून ओळखले जाते. तिथे पूर्वी मातीची घरे असलेले छोटेसे टुमदार गाव होते ते आता शहरीकरणाच्या सुसंस्कृतीकडे वाटचाल करताना दिसत आहे. सिमेंट काँक्रीट ची घरे बंगले या गावात आता दिसू लागली आहेत. ग्रामपंचायत या ठिकाणी महत्त्वपूर्ण कार्य सुरू आहे. संपूर्ण गावामध्ये टप्प्याटप्प्याने प्रत्येक गल्लीमध्ये फेवर ब्लॉक बसवण्याचे कार्य सुरू आहे. पिण्याच्या पाण्याच्या सोयी केल्या जात आहेत. वॉटर सप्लाय च्या नियोजनातून आता एक दिवसाआड गावाला पाणीपुरवठा होत आहे. वार्ड क्रमांक चार मध्ये रस्त्यांची समस्या होती. ती जागृत व पारदर्शकपणे सर्वांची कामे करणारे राजकीय व्यक्तिमत्व दादासाहेब नितीन साळुंके सरपंच यांनी मनावर धरून स्वतः कामाच्या ठिकाणी उभे राहून वार्ड क्रमांक चार मध्ये अतिशय चांगल्या पद्धतीने हे वर फेवर ब्लॉक बसवून सुंदर रस्ते बनवण्याचे महत्त्वपूर्ण काम करून दिले आहे. यासाठी साप्ताहिक पोलीस व्हिजन ने देखील दखल घेतली आहे. या गल्लीमध्ये नेहमी पाणी वाहत असताना दिसत होते त्यातून अनेक छोटे-मोठे अपघात होत होते. ज्येष्ठ नागरिकांना चालताना त्रास होत होता. ही समस्या दादासाहेब नितीन साळुंखे यांच्या कानावर टाकल्यावर त्यांनी तात्काळ या गल्लीत फेवर ब्लॉक बसवून देण्याचे आश्वासन दिले होते आणि त्यांनी ते पूर्ण देखील केले आहे. वार्ड क्रमांक चार मध्ये विद्युत रोषणाई देखील चांगल्या पद्धतीने ग्रामपंचायतीने करून दिली आहे. चांगले कार्य करणाऱ्या राजकीय नेत्याचे कुणीही नाव काढते. दादासाहेब नितीन साळुंखे यांचे जाहीर आभार देखील वार्ड क्रमांक चार च्या नागरिकांनी मानले आहेत. फेवर ब्लॉक बसवण्याचे काम गुमन आनंदा गावित मिस्तरी यांनी केले आहे. या कामाची पाहणी सरपंच नितीन साळुंखे यांनी प्रत्यक्ष उपस्थित राहून केली असता काम समाधानकारक झाल्याचे त्यांनी आनंद व्यक्त केला आहे. संपूर्ण ग्रामपंचायत सदस्य बॉडी व समस्त ग्रामस्थ यांचे यासाठी मोठे योगदान लागले आहे. सर्व ग्रामपंचायत सदस्य, ग्रामसेवक, सरपंच, पोलीस पाटील, यांचे जाहीर आभार* बातमी पत्र वाचा सा पोलीस व्हिजन धुळे