Category: Uncategorized

नंदुरबार येथे चावरा इंग्लिश मिडीयम स्कूल पातोंडा रोड नंदुरबार येथे दिनांक..17-2-2025 ते 22-02-2025 पर्यंत दुसऱ्या टप्प्यातील शिक्षक क्षमता वृद्धी प्रशिक्षण सुरू✍️✍️✍️✍️✍️✍️✍️✍️✍️✍️✍️✍️✍️ नंदुरबार…सा पोलीस व्हिजन धुळे.. महाराष्ट्र शासनाच्या शिक्षण विभागाकडून राज्यातील सर्व जिल्हा परिषद प्राथमिक, खाजगी प्राथमिक व माध्यमिक, आश्रम शाळा येथील शिक्षकांना गटशिक्षणाधिकारी पंचायत समिती नंदुरबार श्री.निलेश पाटील यांच्या स्वाक्षरीने सदर शिक्षक क्षमता वृद्धी प्रशिक्षणास उपस्थित राहण्याचे लेखी आदेश आहेत.त्या आदेशानुसार आज दिनांक 17 .2 .2025 वार सोमवार पासून दुसऱ्या टप्प्यातील हे प्रशिक्षण आता दिनांक 22-2-2025 पर्यंत सुरू झाले आहे. या प्रशिक्षणाचे उद्घाटन आज प्रशासकीय अधिकारी यांच्या उपस्थितीमध्ये चावरा इंग्लिश मीडियम स्कूल नंदुरबार येथे करण्यात आले. या प्रशिक्षण उद्घाटन प्रसंगी नंदुरबार पंचायत समितीचे शिक्षण विस्तार अधिकारी, श्री जाधव वाय.पी. व व इतर प्रमुख अधिकाऱ्यांच्या उपस्थितीत करण्यात आले. यावेळी श्री देसले सर कर्णकाळ सर, रावसाहेब पाटील,एन टी पाटील सर, तसेच सर्व सुलभक व लोणखेडा, पाचोरा बारी, कोपर्ली, भालेर ,सुंदरदे ,कुठली, पिंपळोद, धानोरा, खोंडामळी, शिंदे, रजाळे, येथील प्रशिक्षणार्थी उपस्थितीत होते. सदर प्रशिक्षणामध्ये शिक्षक क्षमता वृद्धी नवीन अभ्यासक्रमातील तंत्रज्ञान, सन 2020 पासून नवीन शैक्षणिक धोरणानुसार शालेय स्तरावरील विद्यार्थ्यांचा सर्वांगीण विकास होण्यासाठी त्यांना अध्यापन करणारे शिक्षकांच्या पाया भक्कम करण्यासाठी हे प्रशिक्षण महत्त्वपूर्ण ठरणार आहे. या प्रशिक्षणाचा लाभ शिक्षकांना व्हावा यासाठी चांगल्या प्रकारे नियोजन शिक्षण विभागाच्या वतीने करण्यात आले आहे. या प्रशिक्षणामध्ये शिक्षकांना तज्ञ मार्गदर्शकांकडुन उच्च दर्जाचे प्रशिक्षण मिळणार आहे. जेवणाची व्यवस्था व चहा पाण्याची व्यवस्था देखील या प्रशिक्षण स्थळी करण्यात आली आहे. असे प्रशासनाच्या वतीने सांगण्यात आले आहे.बातमी पत्र वाचा सा पोलीस व्हिजन धुळे…. मुख्य संपादक प्रल्हाद साळुंके, धुळे

निसर्ग निवास स्काऊट- गाईड शिबिरातून विद्यार्थ्यांनी स्वयंम शीस्तीतून टिपलेत संस्कार मोती

विखरण- (प्रतिनिधी सा पोलीस व्हिजन धुळे)नंदुरबार जिल्ह्यातील श्री.आप्पासाो. आत्माराम धवळू देवरे माध्यमिक विद्यालय विखरण विद्यालयातील […]

नंदुरबार येथील शिक्षक क्षमता वृद्धी प्रशिक्षण 2.0 पहिल्या टप्प्यातील प्रशिक्षण चा समारोप संपन्न. नंदुरबार… दिनांक.15/2/2025 प्रतिनिधी सा पोलीस व्हिजन धुळे…. शालेय शिक्षण व क्रीडा विभाग महाराष्ट्र शासन यांच्या वतीने शिक्षक क्षमता वृद्धी प्रशिक्षण 2.0 हे संपूर्ण राज्यात टप्प्याटप्प्याने सुरू झाले आहे. त्यातील पहिला टप्पा इयत्ता पहिली ते पाचवी व सहावी ते आठवी या वर्गांना अध्यापन करणारे शिक्षक यांच्यासाठी सदर प्रशिक्षणाचा पहिला टप्पा दिनांक 11 फेब्रुवारी 2025 ते दिनांक 15 फेब्रुवारी 2025 पर्यंत पाच दिवसांसाठी हे प्रशिक्षण नंदुरबार तालुका स्तरीय प्रशिक्षण कृष्णा इंटरनॅशनल इंग्लिश मीडियम स्कूल पातोंडा रोड नंदुरबार व एम के डी नवापूर रोड नंदुरबार या दोन ठिकाणी सुरू होते. या प्रशिक्षणाची आज शनिवार दिनांक 15 फेब्रुवारी 2025 रोजी सकाळी आठ ते दुपारी एक वाजेपर्यंत अंतिम प्रशिक्षण घेण्यात आले. एकूण कृष्णा इंटरनॅशनल स्कूल या केंद्रावर 350 शिक्षक तर एमकेडी नवापूर रोड येथे 300 शिक्षकांनी सदर प्रशिक्षणाचा आज लाभ घेतलेला आहे. या प्रशिक्षणाचा समारोप आज पंचायत समिती नंदुरबार चे गटशिक्षणाधिकारी श्री निलेश पाटील यांच्या शिक्षकांना शुभेच्छा संदेशासह त्यांच्या मार्गदर्शनातून शिक्षण विस्तार अधिकारी श्री वाय पी जाधव ,पंचायत समिती नंदुरबार,श्री.एस.एन.पाटील, शिक्षण विस्तार अधिकारी पंचायत समिती नंदुरबार गट समन्वयक बीआरसी नंदुरबार, श्री आर आर पाटील, श्रीमती, एस व्ही चौधरी, श्रीमती के आर पाटील, श्रीमती एन बी देशमुख, प्रशिक्षण सहाय्यक गट साधन केंद्र नंदुरबार, श्री नरेंद्र पाटील तज्ञ मार्गदर्शक, श्री राजपूत भगवान, तज्ञ मार्गदर्शक, श्री वाडेकर सर तज्ञ मार्गदर्शक, श्री उमेश पाटील सर तज्ञ मार्गदर्शक, श्री देसले सर तज्ञ मार्गदर्शक, यांच्या उपस्थितीत सदर प्रशिक्षणाचा निरोप समारंभ झाला. यावेळी शिक्षकांनी प्रशिक्षणाबाबत आलेले अनुभव चांगल्या पद्धतीने मांडले. प्रशिक्षण स्थळी व्यवस्था प्रशासनाने चांगल्या पद्धतीने ठेवण्याचे समाधान व्यक्त केले. यावेळी तज्ञ मार्गदर्शनाचे आभार व्यक्त करून त्यांचा पुष्पगुच्छ पुस्तक व पेन देऊन सत्कार करण्यात आला. उपस्थित प्रशासकीय सर्व शिक्षण विभागातील अधिकाऱ्यांचा देखील या ठिकाणी सत्कार करण्यात आला. प्रशिक्षणासाठी शिक्षकांना काही थोड्याफार व्यवस्था करण्यामध्ये उनिवा राहिल्या असतील तर त्या पुढील प्रशिक्षणामध्ये सुधारण्यात येतील असे आपल्या मनोगत शिक्षण विस्तार अधिकारी श्री एस एन पाटील यांनी आश्वासन दिले. या प्रशिक्षणासाठी दैनंदिन पाच दिवसांपासून शिक्षण विस्तार अधिकारी पंचायत समिती नंदुरबार चे कर्तव्यदक्ष अधिकारी म्हणून श्री वाय पी जाधव यांनी संपूर्ण प्रशिक्षणार्थ्यांची व्यवस्था चोख रखण्यामध्ये व शिस्तबद्ध पद्धतीने हे प्रशिक्षण पूर्ण होण्यासाठी संपूर्ण सहकार्य केले. तसेच प्रशिक्षण सहाय्यक श्री आर आर पाटील यांनी संपूर्ण उपस्थितीबाबत रोजचे अपडेट ठेवण्यासाठी मोठी जबाबदारी घेतली. सदर प्रशिक्षण अतिशय चांगल्या पद्धतीने झाल्याच्या भावना यावेळी प्रत्येक शिक्षकाने आपल्या मनोगत आतून बोलून दाखवले. कार्यक्रमाचे प्रास्ताविक श्री भास्कर धनगर सर यांनी केले तर आभार प्रदर्शन ईश्वर भाई यांनी केले. बातमीपत्र वाचा साप्ताहिक पोलीस व्हिजन धुळे*

देवरे विद्यालयात सांस्कृतिक स्नेह संमेलनात विद्यार्थ्यांनी विविध कलाकृतींचे केले सादरीकरण

विखरण :- शाळा म्हटली की त्या ठिकाणी विविध उपक्रम हे विद्यार्थ्यांच्या अंगी असलेले विविध गुणांना […]

सातबारा मध्ये नोंद दूर करण्याकरता दोन लाखांची लाच घेताना चांदवड येथील चांदवड येथील मंडल अधिकारी प्रवीण गणपत प्रसाद हे लाचलुचपत प्रतिबंधक विभागाच्या जाळ्यात. नाशिक….प्रतिनीधी…. भ्रष्टाचाराचा कहर झालेला आहे.सातबारा मध्ये नोंद मंजुर करण्या करता दोन हाजाराची लाच घेतांना चांदवड येथील मंडल अधिकारी प्रविण गणपत प्रसाद हे समिट रेल्वे स्टेशनवर लाच लुचपत प्रतिबंधक विभागाच्या जाळ्यात अडकले. या कारवाईबाबत एसीबीने दिलेली माहिती अशी की, तक्रारदार यांनी काळखोडे गाव तालुका चांदवड येथे जमीन खरेदी केली होती. त्यांची सातबारा मध्ये नोंद करण्याकरता तक्रारदार यांनी तलाठी वाकी खुर्द यांच्याकडे अर्ज सादर केला असता तो मंडल अधिकारी यांच्याकडे मंजुरी साठी गेला असता या प्रकरणाची चौकशी अनुषंगाने तक्रारदार यांनी १२ फेब्रुवारी रोजी याबाबत मंडल अधिकारी यांच्याकडे विचारणा केली. त्यावेळेस मंडल अधिकारी प्रविण प्रसाद यांनी तक्रारदार यांच्याकडे सदर नोंद मंजुर करून देण्याचा मोबदल्यात २ हजार रुपयाची मागणी केली होती. त्याबाबत १३ फेब्रुवारी रोजी पंचांसमक्ष पडताळणी केली असता मंडळ अधिकारी प्रवीण प्रसाद यांनी मागणी करून ती आज रोजी दोन हजार रुपये लाच पंचांसमक्ष स्विकारली म्हणून त्यांच्या विरुध्द चांदवड पोलीस स्टेशन, नाशिक ग्रामीण, येथे भ्रष्टाचार प्रतिबंध अधिनियम 1988 चे कलम 7 अन्वये गुन्हा दाखल करण्यात आला आहे. बातमी पत्र वाचा सा पोलीस व्हिजन धुळे

नंदुरबार येथे शिक्षक क्षमतावृध्दी प्रशिक्षण २.० मध्ये शिक्षकांकडून तिसऱ्या दिवशी उत्साहात गट कार्य सादरीकरण झाले. ✍️ दांडी बहाद्दर शिक्षकांना गटशिक्षणाधिकारी यांच्याकडून कारणे दाखवा नोटीस जारी ✍️ नंदुरबार … प्रतिनिधी..(सा.पोलीस व्हिजन धुळे ) महाराष्ट्र शासनाच्या शिक्षण विभागाकडून संदर्भ दिनांक जावक क्रमांक पंचायत समिती नंदुरबार शिक्षण प्रशिक्षण /1275 /2025 अन्वये नंदुरबार जिल्हा गटशिक्षणाधिकारी श्री.निलेश पाटील यांच्या स्वाक्षरीने इयत्ता सहावी ते आठवी साठी केंद्र निहाय प्राथमिक व खाजगी शासन मान्यता प्राप्त माध्यमिक शाळा, आश्रम शाळा येथील शिक्षकांना सदर प्रशिक्षणाला हजर राहण्याचे आदेश होते. त्यानुसार सुंदरदे,भालेर, व इतर केंद्र गट मधील शिक्षकांचे हे प्रशिक्षण दिनांक 11 फेब्रुवारी 2025 ते दिनांक.15/ फेब्रुवारी/2025 असे एकूण पाच दिवसाचे प्रशिक्षण सुरू राहणार आहे. या प्रशिक्षणाचा आजचा तिसरा दिवस होता.सध्या हे प्रशिक्षण कृष्णा इंटरनँशनल इंग्लिश मिडीयम स्कूल पातोंडा ता.जि.नंदुरबार येथे एकुण .350 प प्रशिक्षणार्थी व एम.के.डी नवापुर रोड, नंदुरबार येथे एकूण 300 प्रशिक्षणार्थी या प्रथम टप्प्यातील प्रशिक्षणामध्ये प्रशिक्षण घेत आहेत. या केंद्रात साधारण इयत्ता पहिली ते पाचवी,सहावी ते आठवी पर्यंत अध्यापन करणारे शिक्षक शिक्षिका हे प्रशिक्षणाचा लाभ घेत आहेत. जे शिक्षक हे प्रशिक्षण सुरू असताना मध्येच पूर्वपरवानगी न घेता जर सोडून गेले असतील अशांना तात्काळ गटशिक्षणाधिकारी श्री निलेश पाटील यांनी त्यांच्या स्वाक्षरीने सायंकाळी त्यांच्या शाळेवर संबंधित प्रशिक्षणास गैरहजर राहणाऱ्या शिक्षकांना लिखित कारणे दाखवा नोटीस जारी केली आहे. यामुळे दुसऱ्या दिवसापासून या प्रशिक्षणामधून कोणताही शिक्षक प्रशिक्षण सोडून जाण्याची त्यांनी हिंमत केली नाही. ही एक शिस्त लावण्यामध्ये गटशिक्षणाधिकारी यशस्वी झाले आहेत.सदर प्रशिक्षण माध्यमिक शिक्षण अधिकारी,श्री प्रवीण अहिरे , प्राथमिक शिक्षण अधिकारी श्रीमती वंदना वळवी, गटशिक्षणाधिकारी श्री.निलेश पाटील, पंचायत समिती नंदुरबार,श्री. वाय. पी .जाधव, शिक्षण विस्तार अधिकारी, पंचायत समिती नंदुरबार,श्री.एस.एन.पाटील, शिक्षण विस्तार अधिकारी पंचायत समिती नंदुरबार गट समन्वयक बीआरसी नंदुरबार,तसेच डायट चे प्राचार्य व सर्व स्टाफ, तसेच सुंदरदे गट केंद्र प्रमुख श्री देसले बापु यांच्या मार्गदर्शनाखाली हे प्रशिक्षण सुरू आहे. या प्रशिक्षणासाठी विशेष सहकार्य, श्री.आर.आर.पाटील, तज्ञ साधन व्यक्ती प्रशिक्षण सहाय्यक गटसाधन केंद्र नंदुरबार, श्रीमती एस.व्ही चौधरी श्रीमती के आर पाटील श्रीमती एन बी देशमुख प्रशिक्षण सहाय्यक गटसाधन केंद्र नंदुरबार, यांचे विशेष सहकार्य लाभत आहे.या प्रशिक्षणासाठी चारकुल साठी एकुण 16 तज्ञ मार्गदर्शक म्हणून नेमणूक केली आहे.पैकी तज्ञ मार्गदर्शक म्हणून माध्यमिक शिक्षक पळाशी येथील तज्ञ मार्गदर्शक श्री नरेंद्र पाटील सर,श्री.भगवान राजपूत सर,श्री कल्पेश देवरे सर, हितेश वाडेकर सर,उदय प्रकाश पाटील सर हे अत्यंत चांगल्या पध्दतीने सदर प्रशिक्षणाला हजर असलेल्या प्रशिक्षण घेणाऱ्या शिक्षकांना नवीन शैक्षणिक धोरण बाबत चांगले मार्गदर्शन होत आहे. या प्रशिक्षणाचा आजचा तिसरा दिवस असल्याने प्रत्येक प्रशिक्षणार्थी शिक्षक शिक्षिका यांना आज गट पाडण्यात आले असून त्यांना गटकार्य प्रत्येक विषयाचे देण्यात आले होते. यात प्रत्येक गटातील शिक्षक शिक्षकांनी आपल्या विचारशक्तीने विद्यार्थ्यांना घटक उपघटक व त्यातील ध्येय साधने यांचा वापर कशा पद्धतीने करण्यात येतो त्यातून त्यांची शिक्षण घेण्याची प्रगती कशी उंचावेल यासाठी प्रात्यक्षिक सादर विविध विषयातील प्रात्यक्षिक तक्ते तयार करून शालेय साहित्य तयार करून त्याचे प्रत्यक्ष सादरीकरण करण्यात आले.या प्रशिक्षणात राष्ट्रीय शिक्षण धोरण 2020, राज्य अभ्यासक्रम आराखडा पायाभूत स्तर 2023, राज्य अभ्यासक्रम आराखडा शालेय शिक्षण 2024, गुणवत्ता मूल्यांकन आणि आश्वासन आराखडा प्रस्तावना व संरचना, शाळा गुणवत्ता मूल्यांकन आणि आश्वासन आराखडा क्षेत्र क्रमांक एक ते सहा, शाळा गुणवत्ता मूल्यांकन आणि आश्वासन आराखडा परिशिष्ट एक ते आठ, समता आधारित अध्ययन व अध्यापन प्रक्रिया, क्षमता आधारित मूल्यांकन संकल्पना, क्षमता आधारित मूल्यांकन कार्यनीती, क्षमता आधारित प्रश्न प्रकार, क्षमता आधारित प्रश्न निर्मिती कौशल्य,विचार प्रवर्तक प्रश्न, गटकार्य अध्ययन निष्पत्तीनुसार प्रश्न निर्मिती, समग्र प्रगती पत्र संकल्पना व पार्श्वभूमी, समग्र प्रगती पत्रक स्तर रोहन स्वरूप, या अभ्यासक्रमावर प्रशिक्षण देण्यात येत आहे.सदर प्रशिक्षण डिजिटल स्क्रीन बोर्ड वरून देण्यात येत आहे. विविध नवीन शैक्षणिक साधने यातून सदर प्रशिक्षण घेण्याचा शासनाचा मानस असून प्राथमिक शाळेत शिकणाऱ्या विद्यार्थ्याला किमान लिहिता वाचता येणे बंधनकारक आहे. आधुनिक काळातील शिक्षण हे त्या पद्धतीनुसार बदलले पाहिजे अध्यापन क्रिया पद्धती या बदलल्या पाहिजेत सामाजिक व आजच्या चालू धरतीवरील शिक्षण विद्यार्थ्यांना मिळाले पाहिजे ही मुख्य संकल्पना या नवीन राष्ट्रीय शिक्षक क्षमता वृद्धी प्रशिक्षणामध्ये शिक्षकांना शिक्षणाचे धडे दिले जात आहेत. संख्यात्मक अधिक गुणात्मक बरोबर शिक्षकांचा अभिप्राय म्हणजेच मूल्यमापन होय. विद्यार्थ्यांचे मूल्यमापन योग्यरित्या झाले पाहिजे. विद्यार्थ्याच्या बुद्धिमत्तेत अमूर्त बदल होण्यासाठी नवीन नवीन तंत्रज्ञानाचा वापर करून शिक्षण दिले गेले पाहिजे यावर विद्यार्थ्यांच्या अध्यापनावर जोर दिला जात आहे. इयत्ता सहावी मध्ये या विद्यार्थ्यांना आता व्यावसायिक शिक्षण देण्याची पद्धत रुजवली जात आहे. जेणेकरून भविष्यात प्रत्येक क्षेत्रातील व्यावसायिक तयार होऊ शकतो. उत्तम शेतकरी देखील तयार होऊ शकतो. पूर्वी ग्रामीण भागातील बारा बलुतेदार पद्धतीनुसार सर्वांगीण कामे होत होती. व्यवसाय होत होते. त्याच धर्तीवर आज विद्यार्थ्याला व्यावसायिक दृष्टिकोन निर्माण व्हावा म्हणून इयत्ता सहावी मध्ये त्याचा कल ओळखून त्याच व्यावसायिक शिक्षण आले असल्याचे सांगण्यात आले आहे. हे प्रशिक्षण उत्तम पद्धतीने सुरू असल्याने शिक्षक शिक्षिका यांच्यात आनंदाचे वातावरण आहे.बातमी पत्र वाचा सा पोलीस व्हिजन धुळे.मुख्य संपादक प्रल्हाद साळुंके, धुळे

मी धुळेकर संघटनेची परिवहन मंडळ विभागीय अधीक्षकांकडे मागणी, परीक्षेच्या दिवसात वेळेवर बसेस सोडा, लांब पल्ल्याच्या बसेस विद्यार्थ्यांसाठी थांबवा.

वृत्त प्रतिनिधी : धनंजय गाळणकरफेब्रुवारी महिन्यात दहावी बारावीच्या विद्यार्थ्यांची परीक्षा सुरु झाली असून लगेचच दहावीची […]

नंदुरबार येथे शिक्षक क्षमतावृध्दी प्रशिक्षण २.० सुरू. नंदुरबार … प्रतिनिधी… महाराष्ट्र शासनाच्या शिक्षण विभागाकडून संदर्भ दिनांक जावक क्रमांक पंचायत समिती नंदुरबार शिक्षण प्रशिक्षण /1275 /२०२५ अन्वये नंदुरबार जिल्हा गटशिक्षणाधिकारी यांच्या स्वाक्षरीने इयत्ता सहावी ते आठवी साठी केंद्र निहाय प्राथमिक व खाजगी शासन मान्यता प्राप्त माध्यमिक शाळा, आश्रम शाळा येथील शिक्षकांना येथील शिक्षकांना सदर प्रशिक्षणाला हजर राहण्याचे आदेश आहेत. त्यानुसार सुंदरदे,भालेर, व इतर केंद्र गट मधील शिक्षकांचे हे प्रशिक्षण दिनांक 11 फेब्रुवारी 2025 ते दिनांक.15/ फेब्रुवारी/2025 असे एकूण पाच दिवसाचे प्रशिक्षण सुरू राहणार आहे. इयत्ता बारावी च्या बोर्ड परीक्षा सुरू असल्याने या प्रशिक्षणास शहराबाहेर चांगल्या प्रायव्हेट स्कूल मध्ये हे प्रशिक्षण आयोजित केल्याचे संबंधित प्रशासनाने सांगितले.सध्या हे प्रशिक्षण कृष्णा इंठरनँशनल इंग्लिश मिडीयम स्कूल पातोंडा ता.जि.नंदुरबार येथे सुरू असुन या केंद्रात साधारण इयत्ता सहावी ते आठवी पर्यंत अध्यापन करणारे शिक्षक शिक्षिका हे प्रशिक्षण लाभ घेत आहेत.सदर प्रशिक्षण माध्यमिक शिक्षण अधिकारी,श्री प्रवीण अहिरे , प्राथमिक शिक्षण अधिकारी श्रीमती वंदना वळवी तसेच डायट चे प्राचार्य व सर्व स्टाफ, तसेच सुंदरदे गट केंद्र प्रमुख श्री देसले बापु यांच्या मार्गदर्शनाखाली हे प्रशिक्षण सुरू आहे.या प्रशिक्षण केंद्र चे नियंत्रण अधिकारी म्हणून श्री. नरेंद्र पाटील हे काम पाहत आहेत.या प्रशिक्षणासाठी तज्ञ मार्गदर्शक म्हणून श्री.भगवान राजपूत सर,श्री कल्पेश देवरे सर, हितेश वाडेकर सर,उदय प्रकाश पाटील सर हे अत्यंत चांगल्या पध्दतीने सदर प्रशिक्षणाला हजर असलेल्या प्रशिक्षण घेणाऱ्या शिक्षकांना नवीन शैक्षणिक धोरण बाबत चांगले मार्गदर्शन करत असल्याचे शिक्षक शिक्षिका सांगत आहेत. या प्रशिक्षणात राष्ट्रीय शिक्षण धोरण 2020, राज्य अभ्यासक्रम आराखडा पायाभूत स्तर 2023, राज्य अभ्यासक्रम आराखडा शालेय शिक्षण 2024, गुणवत्ता मूल्यांकन आणि आश्वासन आराखडा प्रस्तावना व संरचना, शाळा गुणवत्ता मूल्यांकन आणि आश्वासन आराखडा क्षेत्र क्रमांक एक ते सहा, शाळा गुणवत्ता मूल्यांकन आणि आश्वासन आराखडा परिशिष्ट एक ते आठ, समता आधारित अध्ययन व अध्यापन प्रक्रिया, क्षमता आधारित मूल्यांकन संकल्पना, क्षमता आधारित मूल्यांकन कार्यनीती, क्षमता आधारित प्रश्न प्रकार, क्षमता आधारित प्रश्न निर्मिती कौशल्य,विचार प्रवर्तक प्रश्न, गटकार्य अध्ययन निष्पत्तीनुसार प्रश्न निर्मिती, समग्र प्रगती पत्र संकल्पना व पार्श्वभूमी, समग्र प्रगती पत्रक स्तर रोहन स्वरूप, या अभ्यासक्रमावर प्रशिक्षण देण्यात येत आहे.सदर प्रशिक्षण डिजिटल स्क्रीन बोर्ड वरून देण्यात येत आहे. विविध नवीन शैक्षणिक साधने यातून सदर प्रशिक्षण घेण्याचा शासनाचा मानस आहे.सदर प्रशिक्षण मध्ये दुपारी दोन वाजता भोजन व सायंकाळी चार वाजता चहा देखील शिक्षकांना प्रशिक्षण ठिकाणी देण्यात येत आहे.शिक्षक शिक्षिका हे आनंदाने हे प्रशिक्षण घेत असल्याचे सा पोलीस व्हिजन धुळे यांना आढळून आले.

पुरोगामी आणि बहुजन आंबेडकरी विचारधारेच्या ज्येष्ठ समाजसेवकांचे धुळे जिल्हा प्रशासनास निवेदन, महापुरुषांबद्दल बेताल वक्तव्य करणारे व्याख्याता राहुल सोलापूरकर यांच्यावर कारवाई करा.

सा पोलीस व्हिजन धुळे,वृत्त प्रतिनिधी- धनंजय गाळणकरधुळे- पुरोगामी विचार मंच आणि आणि बहुजन आंबेडकरी विचारधारेच्या […]

धुळ्यात शिक्षक दरबार फार वर्षांनी गाजला!!!शिक्षक आमदार दराडेंमुळे शिक्षकांना मिळाले न्याय मागण्याचे हक्काचे व्यासपीठ* धुळे…..सा.पोलीस व्हिजन क्राईम न्यूज ब्युरो… धुळे येथे जीआर सिटी हायस्कूल येथील सभागृहात 30 जानेवारी 2025 रोजी, शिक्षक दरबार चे आयोजन करण्यात आले होते. या दरबारात विशेषता दहावी, बारावीच्या परीक्षा केंद्रांतील कर्मचारी बदलीचा घेतलेला निर्णय शिक्षक हिताविरुद्ध असल्याने त्यास शिक्षक संघटनांचा विरेाध होतो आहे. त्यामुळे कर्मचारी बदलीचा निर्णय रद्द करण्यात आला आहे; परंतु ब्लॅक लिस्टमधील केंद्रांसाठी हा निर्णय लागू राहील, असेही यावेळी शिक्षक आमदार किशोर दराडे यांचेकडून सांगण्यात आले.धुळे जिल्ह्यातील काही संस्थांमध्ये अनेक शिक्षकां च्या विविध समस्या, मागण्या आणि त्यांची पूर्तता होत नाही यासाठी प्रचंड नाराजी आहे. वरिष्ठ वेतन श्रेणी असो की निवड श्रेणी असो या शासनाकडून शिक्षकांना मिळत असतात. शासन शिक्षकांचे वेतन करत असते. तरीदेखील काही संस्थेतील चमकोगिरी करणारे अशा प्रामाणिक शिक्षकांच्या मागण्या व त्यांचे हक्काचे लाभ मिळू नयेत यासाठी आपल्या संस्था चालकांना अशा कर्मचाऱ्यांबद्दल चुकीची माहिती पोहोचवून त्यांची एक प्रकारे हानीच करत असतात.ही काही माणसं संस्थाचालकांशी लुडूबुडु करून आपले स्वतःचे मात्र उल्लू सरळ करून घेत असतात. आपल्या एकाच कुटुंबातील व्यक्तींना याच संस्थांमध्ये नोकरीला लावून घेण्याचा प्रकार सर्व नियम धाब्यावर बसवून करून घेत असतात. त्यांचा पगार देखील शासनाकडून सुरू करून घेण्यात आलेला आहे. हे भयानक वास्तव आहे. त्यांना पदभरती करताना नेमक्या कोणत्या वर्तमान पत्रात केव्हा जाहिरात निघाली हे देखील गुपित ठेवले जाते. त्यांना ज्या शाळेत लिपिक म्हणून नियुक्ती दिली जाते त्यांना मात्र त्या शाळेत कामावर देखील पाठवण्यात येत नाही. त्यांच्या स्वाक्षऱ्या करण्यासाठी मस्टर घरी आणले जाते आणि त्यावर स्वाक्षऱ्या करून घेतल्या जातात. त्यांना घरी बसून पगार मानधन सुरू करून देण्यात आले आहे. असे अनेक प्रकार राजरोसपणे सुरू आहेत.त्यांचा शोध घेऊन त्यांच्या चौकशा केल्या पाहिजेत.एकीकडे शासनाची नोकर भरती बंद असताना बोगस पदभरत्या करून हे संस्थेला देखील अडचणीत आणण्याचा प्रकार करत असतात .या अनेक समस्यांना स्थानिक जिल्हास्तरावर न्याय देता यावा या उदात्त न्याय भावनेतून शिक्षकांच्या साठी ठामपणे पाठीशी उभे राहणारे नाशिक शिक्षक मतदारसंघ चे धडाकेबाज आमदार किशोर दराडे यांनी धुळे जिल्हा व नंदुरबार जिल्ह्यासाठी 30 जानेवारी 2025 रोजी थेट शिक्षक दरबार चे आयोजन केले होते. या दरबारास माध्यमिक शिक्षण अधिकारी जिल्हा परिषद धुळे चे मनीष पवार, प्राथमिक शिक्षण अधिकारी जि.प.धुळे डॉ किरण कुंवर, वेतन पथक अधीक्षक, शर्मा, तसेच विविध संघटना प्रमुख या शिक्षक दरबारी उपस्थित होते. गुरुवारी जीआर सिटी हायस्कूल धुळे येथील सभागृहात हा शिक्षक दरबार लावण्यात आला होता. शिक्षकांच्या विविध न्यायालयीन प्रकरणांची दखल शिक्षण विभाग घेत नाही, अनुकंप तत्त्वावरील पदभरती किंवा नियुक्त्या काही संस्था देत नाहीत, काही ज्येष्ठ शिक्षक यांना मुख्याध्यापक पदोन्नती पासून वंचित ठेवण्यात येते. सेवा जेष्ठता डावळून आपल्या मर्जीतील मुख्याध्यापक नियुक्त केला जातो. आणि शिक्षण अधिकारी देखील अशांना मंजुरी देतात.जे शिक्षक 20 टक्क्याच्या नियमात निवड श्रेणीसाठी ग्राह्य ठरतात, अशांना निवड श्रेणी दिली जात नाही. यावर शिक्षकांची प्रचंड नाराजी होती. बेकायदेशीर बदल्या शिक्षकांकडून आर्थिक देवाण-घेवाण व्हावी यासाठी केल्या जातात. अशा अनेक समस्या व त्यांच्यावर चर्चा करून शिक्षक आमदार किशोर दराडे यांनी तात्काळ शिक्षकांना न्याय देण्यासाठी संबंधित अधिकाऱ्यांना जागीच सूचना केल्या या दरबारात असे दिसून आले की शिक्षकांची संस्थाचालकांवर नाराजी नाही. त्या संस्थेतील काही शिक्षक,मध्यस्थितांच्या आडमुठी पणा मुळे काही संस्थेतील शिक्षकांना न्याय मिळत नाही. असे चित्र समोर दिसून आले. काही संघटनेचे प्रमुख जे स्वतःला शिक्षक नेते म्हणून समजून घेतात अशांच्याच शाळेतील शिक्षक त्या ठिकाणी न्याय मागणीसाठी या दरबारात विशेष करून उपस्थित होते. अनेक शिक्षकांकडून असे बोलले गेले की, शिक्षक दरबाराचे व्यासपीठ हे पवित्र मानले जाते. कारण त्या व्यासपीठावर शिक्षकांना जागीच न्याय देण्यासाठी हा दरबार लावण्यात आलेला असतो. मग अशा व्यासपीठावर ज्या शिक्षकांवर अन्याय केलेला असतो त्याच शाळेतील संघटना प्रमुख अशा न्यायदेवतेच्या व्यासपीठावर कसा बसू शकतो?? अशी चर्चा रंगलेली होती. अनेक शिक्षकांनी आपल्या समस्या त्यांना दोन दोन अडीच अडीच वर्ष न्याय मिळत नाही त्यांच्या वेदना त्यांनी शिक्षक आमदार दराडे यांच्याकडे मांडण्याचा प्रयत्न केला. त्यांना आशा एवढीच होती की हा आपला शिक्षकांचा दरबार आहे येथेच न्याय मिळेल. म्हणून ते आमदार दराडे हे कोणत्या पक्षाचे आमदार आहेत? हा विचार न करता आपले हक्काचे शिक्षक आमदार आहेत आणि ते न्याय देण्याचे काम करणारे व्यक्तिमत्व आहे या चांगल्या विचारातून हे शिक्षक या दरबारात न्याय मागण्यासाठी आलेले होते. आपल्या भाषणात आमदार दराडे यांनी देखील मी कोणत्याही एका पक्षाचा आमदार नाही मी माझ्या शिक्षकांचा शिक्षक आमदार आहे आणि माझे प्रामाणिक कर्तव्य आहे की मी या माझ्या शिक्षकांना न्याय देईल हे त्यांनी ठामपणे मांडले. या ठिकाणी ज्या शिक्षकांच्या समस्या होत्या त्यांना आठ दिवसांमध्ये संबंधित अधिकाऱ्यांनी त्यांच्या अडचणी तातडीने सोडवण्याचे आदेश देखील शिक्षक आमदार दराडे यांनी केले आहेत. वेळ पडल्यास संबंधित संस्थाचालक, संबंधित अधिकारी यांच्याशी फोनवर देखील ते बोलून समस्या सोडवण्यासाठी प्रयत्न करणार आहेत. काही विद्यमान मुख्याध्यापक यांना रिवाईज करून त्यांच्यावर अन्याय केलेला आहे.त्यांची चौदा महिन्यांची पगार बिले टाकण्यात आलेली नाहीत.त्यामुळे ते पगारापासून वंचित असल्याची देखील येथे तक्रारी करण्यात आलेल्या आहेत. आता फक्त त्यांना न्याय केव्हा आणि कसा मिळतो यावर या शिक्षक दरबाराचे पुढील भविष्य अवलंबून असणार आहे. एकंदरीत धुळे जिल्ह्यातील हा शिक्षक आमदार किशोर दराडे यांचा अखेर गाजला अशी सर्वत्र चर्चा रंगली आहे.बातमी पत्र वाचा सा पोलीस व्हिजन धुळे